Home / Maqola / ЎҚУВЧИЛАРНИНГ СОҒЛИГИ УЧУН КУРАШИШДА МАКТАБ ВА ТИББИЁТ ХОДИМЛАРИНИНГ ХАМКОРЛИГИ

ЎҚУВЧИЛАРНИНГ СОҒЛИГИ УЧУН КУРАШИШДА МАКТАБ ВА ТИББИЁТ ХОДИМЛАРИНИНГ ХАМКОРЛИГИ

Ёш авлодни тарбиялаш ва унинг соғлиғини сақлаш ишларига алоҳида аҳамият бериш, жисмоний тарбияни тўғри йўлга қўйиш, физкультура ва спортни ривожлантириш учун барча шарт шароитлар яратиб берилган. Туманда физкультура ва спорт билан шуғулланувчи ўқувчилар ихтиёрига кенг спорт базалари, яъни 1-сон ва 2-сон мактабдан ташқари спорт мактаблари, спорт мактаб интернати, стадионлар ва бошқалар бериб қўйилган.

Мактабга ўқишга келаётган болаларни кўпчилиги жисмоний жиҳатдан яхши ривожланган, ишчанлик қобилияти мукаммал болалар бўлиб, енгил атлетика, югуриш, сакраш, тўп отиш, кураш, боксда дуруст натижаларига эга бўлмоқдалар. Бироқ бу болаларнинг соғлиғини сақлаш ўз заруриятини йўқотган, бинобарин, мактабда ёш авлодни тайёрлаш, тарбиялаш ва ўқитишнинг гигиена шароитларини яратиш тўғрисида ғамхўрлик кўрсатмаслик мумкин деган маънони билдирмайди. Аксинча болаларнинг соғлигини мустахкамлаш ҳақида ғамхўрлик қилиш ўқувчиларнинг ўқув машғулотлари, ижтимоий фойдали меҳнати ва дам олишларни ташкил қилишда тарбиячилар, ўқитувчилар, тиббиёт ходимлари кундалик диққат эътиборини кучайтиришини талаб қилади.

Ўқувчиларнинг соғлиғини сақлаш ва мустахкамлаш, уларга гигиена жихатдан тарбия бериш фақат тиббиёт ходимларининг иши бўлиб қолмасдан, балки мактаб директори бошлиқ бутун педагоглар жамоасининг ҳам мухим вазифасидир.

Ўқув машғулотлари болани толиқтирадиган даражада оғир бўлмаслиги, балки ўқувчининг ёшига, ақлий ва жисмоний имкониятларига мос келиши керак, чунки зўриқиш ўқувчининг бош мия қобиғи сезгир нерв хужайралари функционал қобилияти чегарасидан ортиб кетмаган тақдирдагина самарали бўлади ва организмда юз берадиган доимий физиологик жараёнлар меъёрда кетишини таъминлайди.

Ўқувчиларда кўпинча салбий кайфият уйғотадиган ва уларнинг уйқуси ҳамда кундузги дам олишининг қисқаришига олиб келадиган оғир ва узоқ давом этадиган ақлий меҳнат ўқувчиларнинг ишчанлик қобилиятини пасайтиради, асабларининг толиқишига олиб келади. Бундай толиқишнинг пайдо бўлишига олий нерв фаолиятининг бузилиши ҳамда бола соғлиғида содир бўладиган бошқа салбий четланишлар содир бўлади. Бундай болалар дарсларни ўзлаштиришларининг пасайишига олиб келади.

Ўқувчиларнинг дам олиши учун ташкил қилинган ёзги дам олиш оромгохларини ташкил қилиниши ҳам ёшларга бўлган катта ғамхўрликдир. Келинг азиз бошлангич синф ўқитувчилари, синф рахбарлари, жисмоний тарбия ва меҳнат таълими ўқитувчилари, мактаб тиббиёт ходимлари, мактаб директорлари болаларимиз соғлиғини яхшилашда янада бирдам бўлайлик.

About

Leave a Reply

x

Check Also

Безгакдан сакланинг.

Безгак касаллиги бу огир дард булиб хозирги даврда дунёнинг 90 мамлакатида таркалган ...